Jowai, K’Lyngkot 08: Ka kynhun ïalehkai jong ka Wahiajer bad ka Tyrchang kila ïoh ban rung sha ka ‘Quarter Final’ jong ka lympung ïalehkai phutbol bala tip kum ka “3rd Sniawbhalang Football Tournament 2023” hadien ka jingjop jong ki mynta ka sngi 6 tarik u Kyllalyngkot ha madan Wahiajer Stadium Wahiajer West Jaiñtia Hills District.
Haba phai sha ka jingïakhun ba nongkong na ka liang ka kynhun ïalehkai jong ka Kremmyrsiang kala lah ban pynliem da 4-3 kol ïa ka Mynkrem lyngba ka jingïashut Tie Breaker.
Katba ha ka jingïakhun kaba ar ka Mynsngat kala pynliem da 4-3 kol ïa ka Thadmynri haka jingïashut Tie Breaker. La pyntip ba ka jingïakhun ‘Pre Quarter’ lashai ka sngi 9 tarik u Kyllalyngkot kan long hapdeng ka Sohphoh pyrshah ïa ka Namdong-B haka por 12 baje mynsngi, katba ka Tamu pyrshah ïa ka Morathud haka por 2 baje nohphai sngi.
