Jowai, Ïaïong 13: ka Hynñiewtrep National Youth Front (HNYF) Jowai Circle ha kane ka 2 tarik u Ïaïong, 2026, hapoh ka jingpeit jingkhmih jong ka HNYF West Jaiñtia Hills District kala ïoh ban pynthymmai ïa ki nongkitkam na ka bynta ka samoi treikam 2026-2029.
Ïa kane ka jingïalang la pynïaid da u Shanbor Lyngdoh uba long u President jong ka Jowai Circle la ïoh jingkren na u Assistant Publicity Secretary HNYF Central Body Shillong u Lasius Lamin ula ai ïa ki kyntien sneng kyntien kraw ïa ki dkhot ba thymmmai ba ki dei ban ïatreilang ryngkat ryngkat bad ki bor Shnong bor thaw bad ki dong ki shnat na ka bynta ka bha ka miat jong ka ri bad ka jaitbynriew bad la pyntian smai bad pynsngewthuh bha ïa ka riti trei kam jong ka seng da u Discipline Secretary Central Body Shillong ma Tarson Lymba.
Ula kyntu ïa ki khun samla ba kim dei ban kynran dein na ka bynta ka jingbha namar ha ka jingïaid lynti lane ban shakri ïa ka jait bynriew shibun ki jingeh ba ïa tynjuh bad ula ai mynsiem ruh ïa ki dkhot ba thymmai jong ka Jowai Circle ba kin trei shitrhem na ka bynta ka jait bynriew.
Ha kane ka sngi la jied ïa ki Dkhot kiba long kumne Shri. Shanbor Lyngdoh (President), Ebormi Lamare (Vice President), Kyrmi Dkhar (General Secretary), Mylost Synnah (Asst- General Secretary), Eborlangki Laloo (Publicity Secretary), Phishas Lamare (Sport Secretary), Wan Rubon (Asst- Sport Secretary), Planki Talang (Finance Secretary), Dius Lamare (Asst- Finance), Readerson Nongpluh (Education Secretary), Conveeneer Ryngki (Adviser), Nicky Sten (Adviser/Auditor bad 8 ngut ki Executive Member jong ka Jowai Circle.
La ïoh ruh ban pyntian smai ïa ki 2 ngut ki member jong ka HNYF West Jaiñtia Hills District kata u Mishak Pyrtuh bad u Kimi Biam, kane ka long katkum ka kyrwoh khubor na u Assistant Publicity Secretary HNYF Central Shillong bah Lasius Lamin.
