Khliehriat kyllalyngkot, 23: Ka Jaiñtia National Council (JNC), hynnin ka sngi ka 22/01/2024, ka seng ka la ïoh ban pynskhem ïa ki nongkitkam ba thymmai jong ka JNC- Jalaphet Circle, ïa ka jingïalang la pynlong ha ïing Club, ha Loom Sashram Jalaphet, EJHD.
Ïa ka jingïalang la pynïaid da u Assistant Secretary jong ka seng, u bah bah Allmiki Ryngkhlem, bad ka jingkren pdiang burom la ïoh na ki nongïalam bad dkhot jong ka Jalaphet Circle, kumjuh ruh na u General Secretary JNC Khliehriat Circle, u bah Diamon Bareh, ha ryngkat ka jingïadon lang ki nongïalam jong ka JNC CEC ba kynthup u President rangbah, u bah Sambormi Lyngdoh, u General Secretary, u bah Wanshwa Suting, Vice President, u bah Ency Shadap, Finance Secretary, u bah Training Phawa, Publicity & information Secy, u bah Mebanteilang Sukhlaiñ, President Sumer Circle, u bah Sakilan Chyrmang bad kiwei kiwei ki nongialam bad dkhot jong ki Unit, ki Circle jong ka JNC, la pynphuh pynphieng ruh ïa ka program da ka jingshad tynrai na ki samla kynthei jong ka shnong Jalaphet.
U bah Sambormi Lyngdoh, haba kren ha kane ka jingïalang pynskhem ïa ki nongkitkam ba thymmai, u la ong ba na kane ka thaiñ lah pynmih ïa uwei u riewkhraw bad pawkhmat ka jylla u Prof. Barrister Pakem uba dei u Vice Chancellor ba nyngkong duh na Khasi bad Jaiñtia haka Skulbah NEHU bad u long ruh u nongïalam ba ha khmat duh jong “ka seng ki dak thoh Jaiñtia” haki snem 1975u tei u nongïalam ka JNC u la pynpaw ruh ka jingsngewkhia halor ka jinglehlyndet ka sorkar ïa ka ktien Jaiñtia haka jingpynmih ïa ka jingrwai State Anthem kaba la pynmih dang shen, u la kynthoh ba ka sorkar ka pyn sah nam ïa ka riam Garo bad Khasi katba ïa ka Jaiñtia pat ka leh klet, imat ka sorkar ka kwah ban pynduh jait noh ïa ka ri lum Jaiñtia”.
U la ong ruh ba mynta ka sorkar ka la nang iaid shakhmat ruh ban pyntreikam shaid shaid ïa ka CAA bad kum ka jaidbynriew ritpaid ngi dei ban don ka jingieid iwei ïa iwei bad don ruh ka jingiatylli, long katba long ngin ieng skhem ha ka nongrim ban iada ïa la ka Ri bad ka Jaidbynriew.
Ki nongkitkam ba thymmai ka Jalaphet Circle kiba la jied bad pynskhem ha katei ka sngi, ki kynthup u President , u bah Andy Bareh, .Vice President, u bah phrangsngi shyrmang, Secretary, u bah Jiken Langstang, Assistant Secretary, u bah Nol Shyrmang, Organising Secretary, u bah Maroo Shyrmang, Finance Secretary, u bah Nikal Langstang, Sport Secretary, u bah Banjop Shyrmang, Education Secretary, u bah Phihliness Langstang, Publicity Secretary, u bah Shwa Langstang, Environment Secretary, u bah Mol Shyrmang, Discipline Secretary, u bah Wellcome Dkhar, Art and Culture Secretary, u bah Mihsalan Bareh lem bad ar phewhynniew ngut ki dkhot.
