Shillong, Jymmang 1 : Ka Election Commission jongka India (ECI) hadien ba ka la ithuh ïa ka Voice of the People Party (VPP) kum kawei na ki seng saiñ pyrthei ha Meghalaya mynta ka la pynskhem ruh ïa u Prah kum ka shap ne muhor jongka party.
ïa kane ka ECI ka la rai hadien ba ka la bishar bniah na ka jingkiew jongka VPP ha ka election MLA 2023 ha ka jylla Meghalaya.
Ka VPP kaba dei ka seng saiñ pyrthei thymmai ha Meghalaya ka la jop saw ngut ki MLA . Ha ka shithi ba la phah da u Under Secretary ka ECI sha u President ka VPP bah Ardent Basaiawmoit kat kum ka tarik 10 Iaiong 2023 la pynpaw “ La bthah ïa nga ban pyntip sha phi ba hadien ba la bishar bniah ïa ka jingkiew jongka party ha ka Election MLA 2023 ka ECI ka la ithuh ïa ka VPP kum ka seng saiñ pyrthei haka jylla bad kat kym ki kyndon ka Election Symbols (Reservation & Allotment ) Order 1968.
Shuh shuh la pyntip ba kat kum ka jingkyrpad ha ka shithi 11 Iaiong 2023 ban ai ïa u Prah kum u symbol ne shap ka party kumta ïa u Prah la buh kyrpang kum ka shap jongka VPP ha Meghalaya bad ïa ka jingpynbna halor kane yn sa pynmih shen.
