Shillong, Lber 08 : Ka All India Congress Committee (AICC) ha ka sngi Thohdieng ka la pynskhem ïa ka kyrteng jong u Bah Vincent H Pala bad Saleng A Sangma kum ki kyrtong MP jong ka Congress na Shillong bad Tura na bynta kane ka elekshon MP kaban sa long shen.
Ha katei ka thup kyrteng ba pyllait da u General Secretary ka AICC, Central Election Committee, KC Venugoal ki la don 39 ngut ki kyrtong ba la mynjur da ka AICC kynthup lang ïa u Bah Pala bad u Saleng.
Kitei ki kyrtong ki kynthup ïa ki 6 ngut na Chattisgarh, 6ngut na Karnataka, 16ngut na Kerala, 1 na Lakshwadeep, 1 na Nagaland, 1 na Sikkim, 1 na Tripura bad 4 na Telangana.
Lah ban kdew hangne ba u Bah Pala u la dei lypa u MLA ba la jop bunsien kum u MP na Shillong katba u Saleng pat u dei u MLA ba la jop bunsien na Gambegre constituency.
