Shillong, Lber, 08: Ka Khun Hynñiewtrep National Awakening Movement (KHNAM) ha ka sngi Thohdieng ka la ong ba u Myntri Rangbah ka Jylla um don iktiar satia ban ai Sanad Rangbah Shnong ïano ïano ruh.
Kane ka jingkynthoh jong ka KHNAM ka long halor ka jingïakynduh jong ka All Ribhoi Garo Headmen Association ïa u Myntri Rangbah ka Jylla ban dawa ïa ka kam Rangbah Shnong.
“Kum ban pyntip hangne ba u Myntri Rangbah um don satia ïa ka itkiar ban ai Sanad Rangbah Shnong ïano ïano ruh, namarba ka dei ka kamram jong ka Hima Mylliem bad ka KHADC. Dei pynsngew sha ka KHADC,” KHNAM ong u working president ka KHNAM u Bah Thomas Passah ha u kyrwoh.
“Namarkata, ngi kwah ban pynpaw ba kum kine ki jingdwa kin ktah ïa ka long jingman ka jaka bad ban kiar na kino kino ki jingtakhuh hapdeng ki jaidbynriew ha ki por ban sa wan, kum kine ki jingdawa ym dei satia ban pynsngap,” u la bynrap.
U Bah Passah shuh shuh u la pynkynmaw ïa ka KHADC ba ka The Khasi Hills Autonomous District (Appointment and Succession of Syiem, Deputy Syiem, Electors and Rangbah Shnong of Mylliem Syiemship) Act 2007, Section 2 Sub Section (o) ka la kren shai ba ïa u Rangbah Shnong dei ban jied tang na ki jaidbynriew Khasi, bad ki bor ba dei peit ki dei ban bud ryntih ïa ki kyndon jong ka aiñ kiba la don lypa bad ban kiar mardor ban shu pynsngewbha ïa kine ki jingdawa.
