Khliehriat, K’lyngkot 23: Ha u kyrwoh ba la phah na ka Media Certification and Monitoring Committee (MCMC), la ong ba ka la don ka jingïalang mynta ka sngi ha ophis jong u Nodal Officer jong ka Media Certification and Monitoring Committee (MCMC), u Abhinav, IAS (SDO) ha Khliehriat, ha kaba la ïakren halor ki kam (role) ba kane ka Committee ka don ban leh na ka bynta kane ka Election sha ka Meghalaya Legeslative Asembly 2023, ha kaba utei u Nodal Officer u la kyntu ïa ki paidbah ba ki dei ban sangeh ban buh ne upload (post) bad ban phah (send) ïa kiei kiei lyngba ki social media kiba lah ban ktah ïa ka jingsngew kiwei, kiba kynthup ruh kino kino ki jingai jingtip ki ba bakla (fake news) kiba lah ban wanrah ïa ki kynrum kynram ha ka por election, ki ba ktah ruh ïa ka jingsngew ki briew shimet ne ki kynhun, kiba pynshit ïa kiwei bad kino kino kiba lah ban wanrah jingsniew ha ka imlang ka sahlang.
