Jowai, K’Lyngkot 23: Na ka daw jong ka jingdon jong ka Elekson sha ka ïingdorbar Thawaiñ ka jylla (Meghalaya Legislative Assembly bad kum ka lad jingïada bad ka jingkhmih bnia halor ka jingdie ïa ka kyiad hapoh ka District u Deputy Commissioner (Excise) ka West Jaiñtia Hills ula pyntip ba la buh ïa ka por ban plie bad ka por ban khang ïa ki dukan die kyiad hapoh ka District.
La bthah baroh ki Bonded warehouse la shah ba kin plie naduh ka por 9:00 AM haduh 6:00 PM naduh ka sngi Monday haduh ka Saturday. Ki IMFL (OFF) Licensees, Home delivery licenses, ki outstill bad ki canteen kin plie naduh ka 9:00 AM haduh ka 8:00 PM kata naduh ka sngi Monday haduh ka Saturday. Ki IMFL (ON) kin plie naduh ka por 1:00 PM haduh 9:00 PM manla ka sngi.
