Shillong, Nailar 06: Kum shi bynta ban pynsngew-thuh ha kaba ïadei bad ka jingim ha ka imlang ka sahlang, ka Ïaiminot Society myn ha ka 27 tarik Naitung 2024 ka la pynlong ka jingpynshai bad ai jinghikai halor ka phang “Empowering Women and Child Rights.
Ïa kane ka program ba shi sngi la pynlong ha hall jong ka madan ïalehkai Jongksha, Mawkynrew C&RD Block, East Khasi Hills, ha kaba la long Kongsan da ka Kong Shasha Lyngshing bad ka Kong Melinda Syiemlieh kum ka Symbud Kongsan.
Shuwa ban sdang ka program la ïoh ka jingkren pdiang sngewbha da ka Kong Ravelin Kharmuti. Ka Kongsan haba ai jingkren ha katei ka sngi ka la pynsngewthuh halor ka jingpynkup bor ïa ki kynthei khamtam ha ka imlang ka sahlang ki kynthei ki long ki bynta ba kongsan tam ban ïatynrong lem ïa ka khia ka shon. Ka la pynsngew ruh halor ka hok ki khynnah kiba dei hok ban ïoh.
Ha kane ka sngi, ka Kongsan ka la ai sngewbha sha ki lai ngut ki heprit kiba la pynpaw ïa la ki jong ki sap shad ba kynthup u heprit Jopborlang Kharsahnoh u heprit Rudolf Nongrum bad u heprit Sankipura Rynjah.
