Shillong, K’lyngkot, 31: Kum shi bynta ka jingrakhe ïa ka jingdap 10 snem jong ka seng mynta u snem 2024, ka Blood Donation Cell jong ka HYC ha ka sngi Balang ka la pynlong da ka jingnoh synñiang ïa la ka snam da ki dkhot kaba la long ha Community Hall, NEHU, Shillong ha ryngkat ka jingïatreilang bad ka Transfusion Medicine & Blood Centre, NEIGRIHMS, Shillong, ka Meghalaya AIDS Control Society bad ka Meghalaya State Blood Transfusion Council.
Da ki phew ngut ki dkhot jong ka Seng ki la noh synniang ïa la ka snam bakordor ka jong ki kum shi bynta ban ïarap ïa kito kiba donkam kyrkieh ïa ka snam ha ki jingpang jingshitom ki jong ki.
Na ka liang ka Blood Donation Cell jong ka Seng ka ai khublei ïa baroh ki dkhot ka Seng kiba la ban ïa shim bynta ha kane jingai snam ei bad ngeit skhem ba lyngba kane ka jingai snam ka jong ki kan long ka jingkyrkhu ïa kiba bun ki mynsiem briew kiba kordor kiba lah ban ïoh ïa ka jingïarap lyngba kane ka snam.
“Ngi ai khublei ruh ïa ki Doctors, ki Counsellors bad ki staffs napoh ka Hospital NEIGRIHMS kiba lah wan ban pynbit pynbiang ïa ki jingdonkam baroh na bynta kane ka Prokram bad lyngba ka jingïatreilang ngi la lah ban pynlong ïa ka prokram kaba jop,” ong u Chairman, Blood Donation Cell, HYC– CEC, Shillong Bah Wellanstar Warpih.
