Pynrem ka sur ki nongwest ïa ka jingpyntriem ki pulit ïa ki nonghikai kontrak

0

Nongstoiñ, Risaw 6: Ka Sur ki nong West ka pynrem jur ïa ka jingleh riewkhlaw jong ki Pulit Meghalaya, haduh ba kim nang shuh ban burom ïa ki nonghikai Contract kiba dei ki kynthei kumjuh ïa ki khun jong ki, kiba dang rit kiba ïa donlang, da kaba leh donbor kaba sngewsih ba ïa ki nonghikai kynthei la leh donbor da ki Pulit shynrang.
Ka jingkylli ïa ka Police Department kumjuh ïa u Home minister khamtam ïa u CM shaei jah ki Pulit kynthei ban teh lakam ïa ki longkmie. Kane ka jingleh jong ki Pulit, na ka liang ka Sur jong ki nong West kam pdiang da lei lei, namar ka dei ka jingiuhriot ïa ka longrynieng jong ki longkmie kumjuh ïa ki khunlung. Ha kajuh ka por ka Sur ki nong West ka buh ka jingkylli hato ki nonghikai ki dei ki lehnoh ne ki riew sniew haduh ban leh kumne, haba ki dawa ïa ka hok jong ki ym ba ki thaw klumar. Ka jingkylli ïa ki Pulit ruh ka long ba lada ïa ki nonghikai la leh haduh katne, sa ïa ki riew paidbah lei lei kaei ka ban jia.
Na ka liang ka Sur ki nong West ka pynrem jur ïa kane ka sorkar MDA ba ïalam khmat da ka NPP, ïa ka jingbym lah ban kit khlieh ïa ki nonghikai Contract, kumjuh ka jingleh donbor ïa ki nonghikai khlem burom shuh. Ka Sur ki nong West ka pynrem ruh ïa ki Pulit ba ki pyndonkam da ki Tear Gas ïa ki nonghikai bad ka dawa ïa ka sorkar ban pynshitom ïa kito ki Pulit kiba kawang Tear Gas ïa ki nonghikai.
Kumjuh ka Sorkar ka dei ban ai noh ïa ka jingdawa kine ki nonghikai, khnang ba kin lah ban im kumba ju long. Kumba long mynta kine ki nonghikai kim don lad shawei ban bsa ïa ki khun tang ka jingbym kit khlieh jong ka Sorkar. Ka Sur ki nong West ka ai ka jingkyrshan ba pura ïa ki nonghikai Contract kiba la dawa ïa ka hok, pynkut ka kyrwoh na u Samla D.Sun Chairman bad samla Wanteibok Lyngdoh Secretary ka Sur ki nong West.

Leave A Reply

Your email address will not be published.