Pynmih ka Toyota Kirloskar Motor ïa ka kali ka kyrpang ne Exclusive Edition jong ka Innova HyCross

Shillong, Jymmang 03: Da ka jingpynneh ïa ka rukom treikam kaba shisha jong ka kata ban buh shwa ïa ki nongthied hakhmat, ka Toyota Kirloskar Motor (TKM) mynta ka sngi ka la pynbna ba la pyllait paidbah ïa ka kali ba kham kyrpang ne ka Exclusive Edition jong ka Innova HyCross kaba lah ban ïoh ha ka ZX(O) grade.
Ba la shaniah da palat lak ngut ki nongthied ha kylleng ka ri, ka Innova HyCross ka ïaibteng ban pynshoh biej ïa ki briew da ka jinglong ba itynnad bad kaba biang babit jong ka. Ïa kaba la shna ban pynlong ïa man la ka rukom leit jingleit kaba pher kumba pher iwei i nongñiah na iwei pat i nongñiah, ka Innova HyCross Exclusive Edition jong ka ZX (O) lah ban ïoh naduh u bnai Jymmang 2025 haduh u bnai Naitung 2025, ha ki ar rong-Super White bad Pearl White, bad la shna ïa ki tang khyndiat tylli.
Haba kren ha ka sngi ba la pyllait ïa kane ka kali, U Varinder Wadhwa, Vice President, Sales-Service-Used Car Business, Toyota Kirloskar Motor, u ong, “Da ka jingpynmih ïa kane ka kali, ka jingthmu jong ngi ka long ban tyrwa ïa ka kali kaba la nang kham pynbha shuh shuh bad kaba nang kham aram, da kaba bteng ban nang kham pynkhlaiñ shuh shuh na kaba long ka kali Innova HyCross – kaba biang bha na ka bynta ki longïing kiba kwah ïa ka kali kaba lah ban ai ïa ka rukom shong kaba suk bad kaba lait na ka jingthait.”