Pynlong ka NPYF 1-Nartiang Constituency ïa ka jingjied Miss, Mr & Mrs Contest 2024

Jowai, K’Lyngkot 08: Ka National People’s Youth Front (NPYF) 1-Nartiang Constituency ha kane ka 5 tarik u Kyllalyngkot 2024 kala ïoh ban pynlong ïaka jingjied (Audition) ïa ki nongïashim bynta sha ka 1st 1-Nartiang Constituency Miss, Mr & Mrs Contest ka ban long haka 23rd January 2024 ha Wahiajer kaba dei ruh ka sngi ban pynlong ïaka Final Football Match jong ka 3rd Sniawbhalang Football Tournament 2023-2024.
Kane ka jingïakop kaba don 3 bynta, kata ïa ki samla kynthei, ki Shynrang bad ki Longkmie kiba dei ki nongshnong shnong jong ka 1-Nartiang Constituency. Ïa kane ka jingïakop la pynlong ïa ka da ka jingïarap jong u MLA ka thaiñ u ma Sniawbhalang Dhar u ba dei ruh u symbud Myntri Rangbah ka Sorkar Meghalaya.
Ïaka jingjied (Audition) ïa ki nongïashim bynta ha katei ka sngi la wan ban bishar da ka kong S.D. Shylla kaba dei District Tourism Officer jong ka West Jaiñtia Hills District ha ryngkat ka jingïadonlang u bah Kmenlang Shylla bad ki nongkitkam ka NPYF 1- Nartiang Constituency.
Kila don kumba 76 ngut ki ba wan ban ïashim bynta ha kane ka Audition ha baroh 3 bynta. Hadein ba la dep ïa ka Audition la jied kumba 30 ngut ki ban ïa shim bynta ha ka final bad kine ki long 10 ngut ha ka jingïakop Miss, 10 ngut ha ka Mr bad 10 ngut haka Mrs 1- Nartiang Constituency.
Kumban shu pynkynmaw, ka khusnam naka bynta ki nong jop ki long kumne harum: Ha ka Miss 1 Nartiang Constituency 1st Prize: 50,000/-, 2nd Prize: 30, 000/-, 3rd Prize: 20,000/-. Haka Mr 1 Nartiang Constituency: 1st Prize: 50,000/-, 2nd Prize: 30, 000/-, 3rd Prize: 20,000/-. Ha ka Mrs 1 Nartiang Constituency: 1 st Prize: 30,000/-, 2 nd Prize: 20,000/-, 3 rd Prize: 10,000/-.