Pynlong ka MBS&G, West Jaiñtia Hills ïa ka Rajya Puraskar Testing Camp

0

Jowai, Jymmang 21: Ki bor paynïaid jong ka Meghalaya Bharat Scouts & Guides West Jaiñtia Hills ha kane ka 19 tarik u Jymmang kala pynlong ïa ka Rajya Puraskar Testing Camp ha District Headquarter, kaba don ha Jowai.
Ha kane ka Testing Camp na ka liang ki khynnah Scouts na ki Unit bapher bapher jong ka District kila ïoh lad ban ïashim bynta ha kane ka prokram Rajya Puraskar Test, hapoh ka jingpeit ka Iooki Scouts Master bad ki Guides Captain jong ka Meghalaya Bharat Scouts and Guides.
La ïathuh katkum ka rukom jong ka Scouts-Guides Movement ïa kane ka Testing Camp ka long kyrpang na ka bynta ki khynnah Scouts-Guides ki ban ïakhun ïa ka Rajya Puraskar Award ne Governor Award kaba long ka khusnam (Award) ban ai sha ki khynnah lyngba u Governor haman la ki Jylla jong ka Ri India.
Shuh shuh ha kane ka Testing Camp ki khynnah kila hap ban pynkhreh ïa ki Log Book ki long kypang naduh ka Pravesh, Pratham, Dwitiya bad ka Tritiya Sopan Badge nalor ki Log Book ki donkam ban pyni ïa ki jingtip jong ki ha ka Testing Camp ha kaba ki Scouts Master bad ki Guides Captain kin peit bniah ïa iwei pa iwei i bynta kiba ïadei bad ka Scouts-Guides Movement ha shwa ba kin ai ïa ka muhor ban long ki nongïoh ïa ka Rajya Puraskar Award 2023.

Leave A Reply

Your email address will not be published.