Pynlong ka Akashvani Shillong da ka seminar ban rakhe ïa ka jingïaid lynti ka India ha ka G-20 Presidency

Shillong, Nailar 23 : Ha ka prokram ban rakhe ïa ka G20 Presidency jong ka India, ka Akashvani Shillong ka la pynlong ïa ka Seminar mynta ka sngi ha NEHU, Shillong. U Commissioner Secretary jong u Lat ka jylla Meghalaya, u Dr BDR Tiwari u la plie ïa kane ka prokram ha kaba u la kyntu ïa ki samla pule bad ki nongïashim bynta ba kin pdiang ïa ka jingngeit ha ‘Kawei ka Pyrthei, Kawei ka Longiing, Kawei ka Lawei’ kaba long ka phang jong ka G20 hapoh ka Presidency jong ka India.
U Dr Tiwariu la batai shaphang ka ‘Sarvajanahitayasarvajanasukhaya’, kaba mut ka bha ka miat bad ka jingkmen jong baroh, ka pyrthei ha kaba ka imlang sahlang bad ka bha ka miat jong baroh ka kham kongsan ïa ki jingmyntoi shimet. U Dr Tiwari u la ong ba ka G-20 presidency jong ka India ka dei ka lad kaba kyrpang na ka bynta ka ri, namar ka India ka don ki jinghikai kiba bun ban ïasam bad ka pyrthei ha kaba ïadei bad ka jingim kaba jan bad ka mariang.
U la ong ba kane ka seminar mynta ka sngi ka dei bankhring ïa ki samla ha kane ka G20 Presidency jong ka India bad ai jingtip ïa ki shaphang ki jingïakren halor ki phang bapher bapher. Ka India ka dei kaba la pawnam namar ka jingnang jingstad bad ka jingshemphang bad ka G-20 presidency jong ka India kan ïarap ban pynsaphriang ïa ka khubor jong ka India sha ka pyrthei: VasudhaivaKutumbakam,  u la ong.
Ha ka bynta technical, u Bah AiborlangWanswett, Senior Director (IT) & Scientist F, National Informatics Centre, Meghalaya, Shillong u la ai ka jingthoh‘Digital technologies for sustainable development’. UBah VivekLyngdoh, Jr. Research Fellow, Meghalaya Climate Change, Shillong u la ai ka jingthoh‘Go green – be kind to nature for a better future’ bad ïa ka jingthoh‘Sustainable Agriculture & Food Security’ la ai da ka Dr.Bingiala Laloo, Asstt. Prof., School of Crop Improvement, College of Post graduate Studies in Agricultural Sciences, Umïam, Ri Bhoi katba uVivek Kumar, Research Scholar, ka tnat Environmental Science, NEHU u la ai ka jingthoh‘Your Planet needs you – unite to combat climate change’. Ki samla pule na ki tnat bapher bapher jong ka NEHU ki la ïashim bynta ha kane ka Seminar. Ïa kane ka Seminar la pynïaid da u Rahul Chatterjee.
Ka open quiz kaba ïadei bad ka G20 Presidency jong ka India ka dei kaba shongshitbha bad ki nongïashim bynta ki la pyni ïa la ki jingtip shaphang kane ka phang. Kiwei kiwei ki prokram ki kynthup ki jingrwai tynrai da ki kynhun ba ïalam da ka Kong LarihunMawlongbad u Bah E W Kharsahnohkiba la khringbha ïa ki nongïashim bynta ha kane ka seminar.
Ïa ka jingkren pdiang sngewbha la ai da u Head of Office, Akashvani, Shillong u H. Diengdoh bad ïa ka jingkren ai jingsngewnguh la ai da ka Kong R. M. L. Marbaniang, Head of Programme, Akashvani, Shillong.
Ka India kan pynlong ïa ka G20 summit ha New Delhi ha ka 9 bad 10 tarik u Nailur. Hashuwa kane, ka Akashvanika la pynlong ïa ki prokram bapher bapher kum ka nongpynmih prokram ba heh tam ha ka pyrthei.