Pynlong Dorbar ka Seng Kur Shadap Manar ha Baroto

Jowai, Nohprah 29: Ka Seng Kur Shadap Manar (Central Body) ha kane ka sngi 27 tarik Nohprah kala pynlong ïa ka Durbar Kur kala pynlong ïaka Durbar Kur Shadap Manar kaba shisien shisnem haka shnong Barato West Jaiñtia Hills District ha kaba kala ïoh ruh ban rakhe pyndonburom ïa ka Silver Jubilee jong ka SengKur.
Ïa ka jingïalang la sdang naduh ka por 11 baje hapoh ka jingialam u President ka seng Kur u Herlington Shadap Manar ha ka jingïadon u Local MLA, ma Nujorki Sungoh kum u kongsan ka Silver Jubilee bad u Local MDC ma Aiborlang Shadap Manar kum symbud kongsan uba dei ruh u dkhot ka Seng Kur.
Ha kane ka sngi la don lang ka kong Rimaya S. Manar, MCS, Director of DERT, Govt of Meghalaya, u Pastor Banker Shadap Manar, Pastor Callme Shadap Manar, ma Sunday Manar Officer in Charge ka Jowai Police Station lem bad bun kiwei kiwei ki heh sorkar.
Ha kane ka sngi la pdiang sngewbha ïa kane ka Durbar da u Pastor Banker Shadap Manar ha ryngkat ka jingrwai pdiang na ka seng Kur Shadap Manar Barato Unit, hadien kata la pyllait paidbah ïa ka Souvenir Silver Jubilee jong ka Seng Kur da u Adviser ka Seng Kur ma Borin Shadap Manar.
Ha kane ka sngi u General Secretary ka seng Kur ma Goldwin Shadap Manar, ula pule lyngkot ïa ka history ka Seng Kur bad ula ai ka Memorandum sha u kongsan ïa ka jingpan ïarap ban shna ïa ka Museum ka Seng Kur haka shnong Barato kaba dei ka shnong jong ka Syiem Latympang.
Ha kane ka sngi la ai jingkren da u Local MDC, u OC jong ka Jowai Police Station bad na u Kongsan ma Nujorki Sungoh bad u la buhruh ia u Mawnongrim (Foundation Stone) ban shna ïa ka Museum ka Syiem Latympang na ka bynta ban buh ïa ki tiar ki tar ka Syiem Latympang bad ïa ki Longshwa Manshwa, ha kaba ïadei bad kane ka Silver Jubilee Celebration jong ka Seng Kur u Local MLA ula kular ban ïarap ïa ka Seng Kur katba lah ban pynurlong ïa ka jingthrang ka kur ban shna ïa ka Museum jong ka seng kur Shadap Manar.
Ha kane ka sngi ka la don ka jingpynkup burom ïa ki Founder Members jong ka sengkur bad la ot ïa u Silver Jubilee Cake da i kong Rimaya S. ManarMCS, bala pynkhreh da ka Seng Kynthei jong ka Seng Kur Barato Unit.
Ha kane ka Durbar kur la pynphuh pynphieng da ka jingshad bad jingrwai na ki Unit kur ba pher ba pher kum naka looksi Unit, Mowkaiaw Unit, Jowai Riwar Jaiñtia Unit, Shangpung Unit, Barato Unit bad naka Narwan Unit. La ïohruh ban sam ïa ki khusnam sha ki khun ka kur Shadap Manar na ka bynta kito kiba pass bha ha ki Exam bapher bapher. Ïaka jingïalang la pynkut da ka jingai khublei na u President rangbah ka Seng Kur bad ki jingïashad da ki jingrwai ba sngewtynnad jong i Bah Nitajan Shadap Manar naka shnong Shangpung. Pynkut ka kyrwon ba la phah da u ma Marshall Manar, Secretary Souvenir Committee Seng Kur Shadap Manar (Central Body).