Jowai, Nohprah 29: Ka United Democratic Party (UDP) West Jaiñtia Hills District ka la ïoh ban pynthymmai ïa ki nongkitkam jong ka ha ka jingïalang kaba la pynlong ha nongbah Jowai hapoh Infinity Hall, Moralong, haka jingïadonlang jong ki ar ngut ki MLA ba kynthup ïa u ma Lahkmen Rymbui na ka Amlarem L/A Constituency bad u ma Nujorki Sungoh na ka Mowkaiaw L/A Constituency.
Ha kane ka jingpynpynthymmai nongkitkam u ma Lahkmen Rymbui ula ïoh ban bat ïa ka kam President bad u ma Nujorki Sungoh kum u General Secretary jong ka UDP, West Jaiñtia Hills District. Ïa ka kam Vice President la jied ïa u ma J. Treilang Suchiang (MDC) bad u ma Winning Garland Sungoh (MDC), Joint Secretary la jied ar ngut ïa u ma Onyx Suchiang bad ma Marki Mulieh (Ex-MDC), Treasurer ma Lamdibok Sumer (Ex-MDC) bad Adviser la jied ïa u ma Michael Sayoo (Ex-MDC).
Ka jingïalang kala jied ruh ïa ki dkhot na ki Constituency bapher bapher ba kynthup ïa u ma Bhawan Chyrmang (Ex-MDC) bad ma Brington Shylla (Ex-MDC) naka 4-Mowkaiaw Constituency, ma Kolmen Pohshna bad ma Herman Khonglah naka 7-Amlarem Constituency bad ïa u ma Ripil Rabon bad Justine Phawa na ka 3-Raliang Constituency. Katba ïa ka dkhot na ka 1-Nartiang bad 2-Jowai yn sa thung ha kawei pat ka jingïalang.
Ka jingïalang ka la thung ruh ïa ki lai ngut ban long ki Convener jong ka Youth Wing ka UDP West Jaiñtia Hills District ba kynthup ïa u Eleazer C. Dkhar, u Dawan Lyngdoh (MDC) bad u Medalin Swer.
Ïa ki nongkitkam jong ka Women Wing bad ka Farmer Wing la ïakut ban jied ha kawei pat ka jingïalang jong ka Party ka ban sa long shen ha ka taïew ba nyngkong jong u bnai Kyllalyngkot 2024.
