Shillong, Lber 26 : Ka Tura District Cricket Association ka la pynliem da 212 ron pyrshah ïa ka South Garo Hills DCA ha ka Zone 2 jong ka U-15 Inter District Cricket Tournament 2023 ha ka jingïalehkai ha Williamnagar.
Ha kawei pat ka jingïalehkai ka West Jaintia Hills DCA ka la ïoh ban pynliem ïa ka East Khasi Hills Cricket Association da ka inning bad 77 ron ha ka Zone 1 ha ka jingïalehkai kaba la long ha Umbuda, Ri-Bhoi.
Kiba la kamai ron na ka bynta ka Tura ki kynthup u Aritra Paul (97), Trijal Agarwal (82 not out), Jamesbirth Ch Sangma (80) bad u Agatchu (78). Ka EKH kaba donkam 145 ron ban jop, hynrei na ka jingïoh khur 5 wicket ai kamai 10 ron u Namewanki Pakyntein ka EKH ka kamai tang 68 ron.
