Pynlait ka Frank Motors ïa ki kali ba itynnad ka Next Gen Tata Tiago bad ka Tiago.ev ha showroom Mawlai

Shillong, Naitung 04: Ka Frank motors, kaba dei ka dealer jong ka Tata motors Passenger Vehicles ha Meghalaya, ka la plie paidbah ïa ka Next-Gen Tata Tiago bad ka Next-Gen Tata Tiago.ev ha Showroom jong ka ha Mawlai.
Ha kane ka jingplie paidbah la pyni ïa ki kali hatchback bathymmai jong ka Tata motors kiba wan bad ka dur kaba itynnad, ki kot jingïarap ba mynta, ka jingshngaiñ kaba khambha bad ka dor kaba ïahap.
Ka Next Gen Tata Tiago ka wan ha ki variant Petrol bad iCNG ryngkat bad ka jingitynnad kaba thymmai, ka jingïoh shong kaba suk, bad ki kor jingïarap kiba stad, katba ka Tiago.ev ka wanrah ïa ka jingsuk ha ka jingïaid kali ilektrik da ka fast charging, ki kor jingïarap bastad, ka Lifetime high voltage battery Warranty bad ka jinglut kaba duna ha ka jingïaid.
Ki dor sdang jong ka Next Gen Tata Tiago ka long T. 4.69 lak katba ka Tiago.ev ka sdang T. 6.99 lak (Ex Showroom). Ka Tiago.ev ka don ruh ha ka rukom battery-as-a-service (BaaS) ha ka dor kaba T. 4.69 lak bad ka jingsiew T 2.6 shi kilomitar na ka bynta ka battery, katkum ki kyndon bad ki jingïateh.
Ka Booking bad ka Test Drive ki la plie mynta ha baroh ki Showroom jong ka Frank Motors ha Meghalaya. La khot sngewbha ïa ki paidbah ban wan sha ka showroom kaba marjan ban sakhi ïa ka Next Gen Tiago bad ban ïoh jingmyntoi na ki offer kiba kyrpang, ki finance scheme bad ki exchange benefit.
La pynlait ïa kine ki kali da u kongsan u Bah Shining Star Manlut Senior Manager, ha ka jingïadonlang kiwei kiwei, la don ka jingot cake, ka sam ïa ki khusnam jong ki jingnoh synniang bapher bapher, bad la kren pdiang bad ai ki jingkynthoh da u RJ Zack, pdiang sngewbha da u Bah Kyrshanlang Khongwir Sales Manager, bad kiwei kiwei.