Mawkyrwat, Lber 06: Ka Nonglang Sports Club ka la ïoh ban pynkut noh ïa ka lympung ialehkai kynjatbol ba la tip kum ka Football Interdong 2023-24 jong ki samla shynrang ha kaba kane ka jingïalehkai ba khadduh hapoh shnong ka la ïoh ban thaw record ïa ka jingïathep bun kol eh ha ka ha kaba ym pat ju jia koit ha ki snem ki por ba la leit.
Lah ban kdew ba ki 2 tylli ki kynhun kiba la poi sha ka wat ba khadduh dei ka Dong Nongdom bad ka Dong Pyndenjathang, ha kaba ka Dong Nongdom ka la ïoh ban thep 5 kol katba ka Dong Pyndenjathang pat ka la thep 4 kol.
Shuh shuh, ka jingïalehkai ha kane ka sngi ka la long shisha kaba ïa khaid bha namar kine ki kynhun ki dei ki kynhun kiba la ïalehkai ha ka sngi plie pyrda kata ha ka 20-10-2023 ha kaba ka Dong Nongdom ka la jop da 2 – 0 kol ia ka Dong Pyndenjathang bad kine ki juh hi ki kynhun kiba la poi phainai mynta ka sngi.
Lah ban kdew ba kane ka jingïalehkai ka la pynlong sngewphylla bad sngewtynnad kata ka long ba ki juh ki kynhun ba ïalehkai por plie bad ki juh ki kynhun kiba ïalehkai ne poi phainal bad kine ki kynhun ki la thaw record ban ïathep bun kol kata 5 – 4 kol ha ka sngi ba la pynlong da ka Nonglang Sports Club naduh mynshwa haduh mynta.
Kane ka Inter-dong ki la pynïalehkai da ka League System bad na ki 7 tylli ki dong kata ka Dong Meiawan, Dong Pdengshnong, Dong Nongdom, Dong Lawmyrsiang, Dong Pyndenbah, Dong Mawphorkynbat bad Dong Pyndenjathang ki kynhun baroh kiba la ïashimbynta ki long 10 tylli ki kynhun.
Ha kane ka sngi bna pynkut, la wan ban ïa donlang ruh u bah Damang Synkon, District Sports Officer (DSO), South West Khasi Hills District kum u kongsan bad u bah Avin Wanbah, BADO ka Ranikor C&RD Block ryngkatlang u bah Firsterlin Kharraswai, Myntri Shnong Nonglang bad kiwei kiwei de ki riew rangbah jong ka shnong ki la ïadonlang. Kane ka dei ka kyrwoh na u bah Kordorlyne Kharlyngdoh, Secretary jong ka Nonglang Sports Club.
