Pynkup burom ka KSU ïa u Samla Banpynshngaiñ Thangkhiew ba rung haka kyrdan Top 10 ha ka eksamin HSSLC

Nongpoh, Jylliew 01: Kum ka jingai mynsiem ïaki khun samla ha kane ka juk ba mynta ba ka jingnang jingstad ka dei ka atiar bad ruh kum ka jingpynshlur ïa uwei u samla naka thaiñ Patharkhmah u ba la rung haka kyrdan ba 4 jong ka Top 10 haka eksamin HSSLC, ka KSU Wertern Border Area haka 30 tarik Jymmang kala pynkup burom syndon ïa u Samla Banpynshngaiñlang Thangkhiew u ba la wanrah ïaka nam ka burom ym tang ïaka iing ka sem, ka skul, hynrei ïaka dong ka thaiñ Ri-Bhoi hi baroh kawei.
Kum ban shu kdew hangne ba u Samla Banpynshngaiñlang Thangkhiew u dei u ba pule ha Patharkhmah Gover nment Higher Secondary School, bad rung haka thup Top 10 haka kyrdan ba 4 bad ka dei ruh ka sien ba nyngkong ïa katei ka skul ban pynmih ïaki samla pule kiba rung haka kyrdan Top 10 kaba long ka jingsarong ïaka skul bad ka thaiñ baroh kawei.
U Bah Receive Pator President ka KSU WBA haba kren haka jingïalag pynkup burom u la pynpaw ka jingsngewsarong halor ka jinglah jong utei u samla ban lehbha ha ka eksamin HSSLC kaba long ka nuksa ïa kiwei pat ki khun samla ha kane ka juk ba mynta ba ka jingnang ka jingstad ka dei ka atiar ban lam lynti ïaka ri bad ka jaitbynriew.
U la ai mynsiem bad kyntu ruh ïa utei u samla ba un dang bteng ban lehbha ïaki jingpule ba kham shalor ryngkat ka jingkyntu kynpham ba kan nym sangeh ïaka jingïaleh haka jingpule khnang ba un poi shaka thong haka jingim jong u.