Pynkup burom ka BAM ïa 3 ngut ki nongïalehkai ba jop ïa ka Power Lifting C’ship 2023

0

Shillong, Kyllalyngkot 22 : Ka Bouncers Association of Meghalaya (BAM) ha ryngkat ka NPP Block Shillong East ha ka sngi U Blei (22 Kyllalyngkot 2023) ka la pynkup burom ïa ki nongïalehkai Power Lifting jong ka jylla kiba la khur jingjop na ka lympung ïalehkai National Level Power Lifting Championship 2023 kaba long ha ka 20 tarik Kyllalyngkot ha Maharashtra.
Ki lai ngut ki nongïalehkai kiba la shah pynkup burom ki kynthup ka samla Marbashisha Nongsteng kaba ïoh ïa ka kyrdan ba ar ha ka kyrdan Junior, Bashisha Nongsteng kaba ïoh ïa ka kyrdan ba lai ha ka kyrdan Sub Junior bad ïa u samla Tony Marshilong uba dei ruh kum u official.
Ïa kitei ki lai ngut ka BAM ka la leit ban pynkup burom ha view point Damsait ha ka jingïadonlang ki dkhot bad nongkitkam jong ka Association.

Leave A Reply

Your email address will not be published.