Khliehriat, Kyllalyngkot 22 : Kum shibynta jong ka jingrakhe ïa ka lyngkhuh dap 51 snem ka jingïoh la ka jong ka jylla, ka ophis jong ka District Sport Office East Jaiñtia Hills District ka la pynlong ïa ka jingïamareh ‘Meghalaya Day Run’ kaba 7 kilo mitar ha kaba u Additional Deputy Commissioner ka East Jaiñtia Hills District, u Bah J.Shylla u la pyllait ïa ka lama na Ophis DC ba rim ha kaba la mareh shaduh Rymbai bad phai biang sha ka jaka ba sdang.
Ïa kiba jop ha kane ka jingïamareh la ai da ka pisa bad kiba jop ki kynthup u Bah Knerlang Phawa uba la jop ba nyngkong bad u Josmi Ryngkhlem u la long ba ar, katba u Kordor. S. Manners u la long ba lai, na ka liang ki kynthei pat ka Rosy Sana, ka la long ba nyngkong, ka Lamsuk Phawa ka wan ba ar bad ka Mariwi Shylla ka wan ba lai.
