Shillong, Lber 20 : Ki nongïalam ka UDP ki la pynkhreh ban hiar sha Sohïong ha ka 25tarik mynta u bnai ban pynbna paidbah ïa u kyrtong u ban ïakhun ïa kane ka elekshon MLA hadien ka jingkhlad kyndit noh u Bah HDR Lyngdoh.
Haba kren bad ki lad pathai khubor, u General Secretary ka party, Bah Jemino Mawthoh u la ong, “Ha ka 25tarik mynta u bnai ngin sa hiar sha Sohïong ban pynbna ïa u kyrtong u ban ïakhun ha kane ka elekshon ka ban sa long shen.”
Watla na ka liang ka party kam pat pynbna ïa ka kyrteng jong u kyrtong hynrei baroh ki ladep tip lypa ba un dei u pyrsa trai jong u Bah HDR hi u ban ïakhun, kata u Bah Synsharlang Thabah.
Namar ka jingkhlad jong u Bah HDR Lyngdoh khyndiat sngi shwa ka elekshon, na ka liang ka tnad Election ka la pynsangeh shwa ïa ka jingthep vote ha Sohïong Constituency tad haduh ban da pynbna da kumwei pat.
