Shillong, Nailur 30 : Ka Meghalaya ka la pynthymmai ïa ka jingïadei bad jingïatehlok bad ka UN World Food Programme (UNWFP) ban pynkhlaiñ ïa ki kam halor ka jingdon pahuh ka marbam, ki jingbam tei met bad ka jingpynkylla ha ka PDS, da ka jingpynkylla ïa ka soskular bala ïasoi ha Delhi ha ka sngi Balang.
U Myntri ka Food, Civil Supplies and Consumer Affairs u Bah Methodious Dkhar ula ïadon lang ha ka por ba asoi ïa ka amendment hapoh ka head office ka WFP India.
U Commissioner & Secretary, Food Civil Supplies,u Pravin Bakshi ula soi ïa ka soskular na ka bynta ka Sorkar Meghalaya katba ka Nongmihkhmat ka WPF ha India bad Country Director ka Elisabeth Faure kala soi na ka bynta ka WFP.
ïa ka Jylla la mihkhmat da ka Director FCSCA I Mawlong, Under Secretary B Syiemlieh bad OSD S K War, katba u Ankit Sood bad Rodrick John ki la mihkhmat na ka WFP.
Kine ki arliang mamla kila ïatreilang naduh u snem 2022 halor ka jingpynkhlaiñ ïa ka PDS, ka jingpynkhlaiñ ïa ka jingpynpoi marbam, jingpynïaid ïa ki kam da ki kor digital bad kiwei kiwei.
“Kane ka jingpynthymmai ïa ka jingïatehlok kan nang pynkhlaiñ ïa ka jingïatreilang, sei ïa ki buit thymmai, bad pynkhlaiñ ïa ka jingpoi ki marbam ha Meghalaya, synñiang sha ka jingpyrshang jong ka Jylla ban kynjoh ïa ka Sustainable Development Goal 2-Zero Hunger” ong ka Sorkar.
