Mawkyrwat, Jymmang, 02: Ka Hynñiewtrep Integrated Territorial Organization (HITO) jong ka South West Khasi Hills District mynta ka sngi ka la ïoh ban pynkha shnat treikam bad ïoh thymmai ïa ki nongkitkam jong ka HITO Mawranglang Zone.
Ha kane ka sngi ban pynskhem ïa ki nongkitkam ba thymmai jong ka HITO Mawranglang Zone la sakhi lang da ka jingïadon lang ki Seng Longkmie bad ki seng Longkpa bad kumjuh ruh ki khynnah samla jong katei ka dong ka thaiñ bad ryngkat ki dkhot jong ka HITO Central Body ha kaba ïa ki nongmihkhmat la ïoh ban pynskhem da u General Secretary ka HITO Central Body, u bah Wanbun Dkhar.
Ki nongkitkam jong ka HITO Mawranglang Zone kiba la shah pynskhem ki long u bah Bitnam Nongsiej kum u President, u bah Shanbor Jyrwa bad u bah Lendarson Lyngkhoi kum ki Vice President, u bah Johny Maroi Lyngdoh kum u General Secretary, u bah Hopeful Wanniang kum u Assistant Secretary, u bah Firstborn Rngaid kum u Finance Secretary, u bah Shemphanglin K. Syiemlieh kum u Publicity Secretary, u bah Pynshngaiñ K. Syiemlieh kum u Education Secretary, u bah Twice Boyance Marweiñ kum u Office Secretary lem bad kiwei de ki dkhot.
