Pynjlan sngi ka NSP ban aplai ïa ka Umbrella Scholarship ïa ki samla pule ST ka Meghalaya

Shillong, Risaw 30 : Ka National Scholarship Portal (NSP) kala pynbna ban pynjlan ïa ki sngi ban aplai Scholarship na ka bynta ki samla pule ST ka Meghalaya, kaba dei na ka umbrella scheme jong ka Pre-Matric bad Post-Matric u snem 2024-25.
Kala pynbna ba ka sngi ba khatduh ban aiti ïa ki aplikeshon kan long noh ha ka 30 tarik Naiwieng, kaba la buh mynshuwa ha ka 31 tarik Risaw.
Ka sngi ba khatduh ban pynshisha ïa ki kot ki sla da ki jaka pule ruh la pynjlan sha ka 13 tarik Nohprah bad ka sngi khatduh ban pynshisha ïa ka aplikeshon da ka Jylla kan long ha ka 17 tarik Nohprah.
Ka National Scholarship Portal (NSP), ka shnat treikam ka Sorkar India ban aplai ïa ka scholarship, ka dei kaba ai ïa ka National Means-cum-Merit Scholarship scheme (NMMSS).
Haduh 158,312 tylli ki don ki aplikeshon ba pynthymmai bad 84,606 kiba dang aplai thymmai kat haduh ka 15 tarik Risaw, 2024.