Rai ka Dorbar Shnong Moodymmai ban kyrshan tylli ïa u ma Jesse kum u kyrtong MDC

0

Shillong, Risaw 30 : Ka Dorbar Shnong Moodymmai ka la rai ban kyrshan tylli ïa u ma Jesse Suiam kum u kyrtong MDC sha ka Jaintia Hills Autonomous District Council (JHADC).
U Chairman ka Dorbar Shnong Moodymmai u ma Emris Ksoo u la ïathuh ba mynta ka sngi 30 tarik la lum ïa ka Dorbar ban ïakren sani bha halor ka kam election MDC ban wan. Ha kane ka jingïalang da kawei ka sur ki la rai ban ai jingkyrshan pura ïa u ma Jesse kumu kyrtong MDC na ka shnong Moodymmai. Kane ka la long hadien ba u MDC u la kyrpad ïa ka Dorbar Shnong ban ai jingkyrshan pura ïa u ha kane ka election MDC ban wan.
U ma Emris u la ïathuh ba ka long kaba sngew tynnad ban ïoh lum ïa ka Dorbar bad ïatai sani bha halor kane kaphang bad kum u MDC u la leh ïa shibun ki kam bad u la lah ban wanrah bun ki jingmyntoi,jingroi jingpar ki skhim ïa ka shnong ka thaw bad ka shnong ka la ïoh bun ki jingïarap na u bad dei na kine ki kam jongu ba ka Dorbar Shnong ka la rai ban ai ka jingkyrshan ba pura ïa u MDC ha kane ka kynti ban wan ruh. U la kyntu ruh ïa kiwei ki shnong kiba don hapoh ka Moodymmai-Nongkhroh MDC Constituency ba kin ai ka jingkyrshan ba pura ïa u MDC.
“ Ha u 2028 kan ym don da kawei pat ka sorkar lait na ka sorkar MDA hapoh ka jingïalam ka NPP ban bat ïa u lakam ban synshar bad dei tang ha kane ka sorkar kaba ngi shaniah ban ai ka jingkyrkhu ha ka imlang ka sahlang ha ri lum Jaintia baroh kawei kumta to kyrshan ïa ka sorkar NPP ba kan synshar ïa ngi haduh u 2028 ba kan ai ka jingkyrkhu kumba ngi thrang bad angnud” ong u ma Emris.

Leave A Reply

Your email address will not be published.