Jowai, Risaw 15: U District Magistrate ka West Jaiñtia Hills District u Abhinav Kumar Singh (IAS) ula pynjari syndon da Total Curfew hapoh ka kyndon Section 163 BNSS ha ki bynta khappud hapdeng ka Assam bad Meghalaya kiba hap ha u pud jongka West Jaintia Hills, khamtam ha ki jaka kiba hap ha ka thain Lapangap ka ban treikam ha ki ar sngi kata ha 16 bad 17 tarik u Risaw 2025.
La pynjari ïa kane ka hukum shi bynta ban wanrah ïa ka jingshongsuk shongshngaiñ ban tehlakam ïaka jingïakynad jong ki ar jaitbynriew (Karbi-Pnar) kiba don ha khappud Assam-Meghalaya.
U DM ula khang pyrshah ïa kino kino ki briew ban ïaid ha ki bynta khappud kiba dang hap hapoh ka District, la khang ruh ban ïalum paidbah da ki kynhun palat ïaka 5 ngut lane thaw kino kino jingklumar, la mana ruh ban rah ïa ki tiar pynmynsaw ha kitei ki bynta khappud.
Kane ka hukum kan treikam mardor ha kitei ki ar sngi tad haduh ban da pynbna da kumwei pat.
