Shillong Jymmang, 13: Ka Meghalaya State Legal Services Authority (MSLSA) ha ka sngi Saitjaiñ ka la pynlong ïa ka National Lok Adalat ha baroh ki District jong ka jylla Meghalaya, hapoh ka lama jong ka National Legal Services Authority (NALSA).
Ïa ka National LokAdalat la pynlong hapoh ka jingïalam jong u Justice Sanjib Banerjee uba long u Chief Justice jong ka Ingbishar Meghalaya High Court uba long ruh u Patron-in-Chief jong ka Meghalaya State Legal Services Authority (MSLSA) bad hapoh ka jingkhmih u Justice H.S.Thangkhiew, u Nongbishar jong ka Meghalaya High Court uba long ruh u Executive Chairman jong ka MSLSA.
Ha ka National Lok Adalat, la shong bishar ïa ki 578 tylli ki Pre-Litigation Case bad 368 tylli ki mukotduma kiba dang sahteng na ka bynta ban pynbeit bad ban poi noh sha ka jingïasngewthuh jingmut.
Lyngba kane ka National Lok Adalat la shong bishar ïa ki 946 tylli ki mukotduma bad la lah ban pynbeit noh ïa ki 166 tylli ki mukotduma ha ka jinglut jingsep kaba kot T. 69,67,018.44 lak.
