ïoh kem ka ANTF 4 ngut ki Nongkhaïi droks ha Laitumkhrah

0

Shillong, Jymmang 14 : Ki pulit ka Anti Narcotics Task Force (ANTF) ka East Khasi Hills, hynne ka janmiet sngi U Blei, ki la ïoh ban kem ïa 4 ngut ki nongkhaïi droks na ka thaiñ Laitumkhrah bad la ïoh kurup haduh 154.02 gram u heroin.
Kat kum ka jingpyntip u Superintendent of Police (City) Bah Vivek Syiem, ka ANTF ka la ïoh kem ïa kine ki briew na kawei ka Maruti Alto K10 ba don u nombor ML05-Q-1599 katba ki dang ïaid ha surok marjan ka Nazareth Hospital.
U pyntip ba ïa kine ki briew la kem ha ka por 3 baje janmiet bad ha ka jingtalasi ïa ka kali, ka ANTF ka la ïoh ban kurup haduh 11 tylli ki synduk sabon kiba la thep ïa u heroin uba khia 154.02 gram.
Ka ANTF kala ïoh ruh ban kurup ïa 4 tylli ki mobile phone bad ka pisa ba T. 63,400. ïa kine ki briew la register case hapoh ka Laitumkhrah Police Station hapoh ki kyndon jong ka NDPS Act.

Leave A Reply

Your email address will not be published.