Pynïap ka kmie ïa la ka khun da kaba siah ïa u ryndang bad tep ïa ka met ha kyrpong ïing

Shillong, Nailur 2 : Ha kawei ka jingjia kaba shyrkhei, ka kmie ka la pyniap ïa la ka jongka khun ba dang hynniew snem ka rta da kaba siah ïa u ryndang haduh ban da dkut bad hadien kane sa btep ïa ka met ha shakiar ïing. Kane ka jingjia ka la jia ha ki thaiñ Haripur, Garobadha West Garo Hills ha ka step Sngi Thohdieng.
La ïathuh ba kane ka la jia ha ka por ba u kpa u dang leit khwai bad u hymmen jong kane ka khynnah ruh u dang leit kai sha ïing kiba haïing.
Kane ka kmie kaba la leh ïa kane ka kam runar ba shyrkhei ka dei kaba kyrteng kum ka Hema Malini Koch, 36 snem ka rta.
La ïathuh haba u kpa u la wan phai sha la ïing na katei ka jingleit khwai doh sha wah, um shym la ïohi shuh ïa ka khun bad u dang pyrkhat ba ka la leit skul. Hynrei dei hadien ba u la ïaid sha shakiar ïing u la lap ba ka don ka jingtih thliew bad btep pat mar mar da ka khyndew nalor. Kane ka la pynsuba jur ïa u bad mar mar ul a tih ïa ka khyndew bad lap ïa ka met iap jongka khun.
Mar kumta hi ula pyntip sha ki pulit bad ki pulit ki la wan ban shimti noh hi ïa katei ka met ha ka step Sngi Saitjain ha ka jingïadon lang ki Majistor. ïa kane ka kmie la kem bad ïalam da ki pulit sha police station.
Ki pulit ki la ïathuh ba ki dang tohkit jur ïa ka kmie ban tip ïa ka daw tangba ki la ïathuh pat ba haba ki pulit ki tohkit ïa ka ruh kam treh ban jubab ne ïatrei lang bad ki pulit.