Pynheh noh ïa ka Tura Polytechnic bad ka Science Stream ha Mendipathar College, dawa ka MPYC

Shillong, Ïaiong 07 : U President jong ka Meghalaya Pradesh Youth Congress u la dawa na ka sorkar jylla ba kan kyntiew kyrdan bad pynheh noh ïa ka Tura Polytechnic da kaba wanrah noh ïa ka Civil, Mechanical, Electrical bad kiwei ki tnad bad ruh ban wanrah noh ïa ka Science Stream ha Mendipathar College, North Garo Hills.
“Nga kyntu jur ba phin kyntiew kyrdan noh ïa ka Tura Polytechnic ryngkat ka jijngmang tyngka na ka bynta ban buh ïa ki nonghikai, ki tnad ba thymmai ha ka Engineering bad kumjuh na ka bynta ban wanrah ïa ka Science stream ha Mendipathar College,” ong u President ka MPYC u Timjim K Momin ha ka dorkhas sha u Myntri Rangbah hynne ka sngi.
U Momin u la ong ruh ba katkum ka result ba la pynbna da ka SSLC mynta u snem, ka Rilum Garo ka la sakhi ïa ka jingkiew bun bha ki samla kiba pass.
“Baroh ki la don haduh 21,856 ngut ki samla kiba la pass mynta u snem na ka thain kaba pyni ïa ka jingnang thrang jongki samla ban jam shakhmat ha ka pule puthi. Hynriew sniewbok ka jingdon ki jaka pule kiba kham shajrong ki duna khamtam eh ha ka lain Science bad kiwei kiweiki lain pule kaba pynlong ïa ki samla ban kut lad,” u la ong.
Ha kajuh ka por, u Youth President u la kyrpad ruh ïa u Myntri Rangbah ba un shimkhia ïa kitei ki jingkyrpad namar ki long ryngkat ryngkat katkum ka National Education Policy 2020.