Shillong, Kyllalyngkot 28 : U Lat ka jylla u Brig. (Dr.) B.D Mishra (Retd.) ryngkat bad ka kurim ka jong u ka Neelam Mishra hynne ka sngi kila pynhap pyrda noh ïa ka jingïakob ïalehkai Basketball bad Tennis kaba la pynlong ha Raj Bhavan.
Ïa kitei ki jingïakob la pynlong naduh ka 24 tarik mynta u bnai kum shi bynta jong ka jingplie ïa ka jaka ïalehkai Basketball bad Tennis kaba la tei thymmai ha Raj Bhavan bad ha kane ka sngi kut la wan ban ïadonlang u Chief Secretary ka jylla u Bah D P Wahlang bad u DGP ka jylla u Dr. Lajja Ram Bishnoi.
Ha ka jingïakob ïalehkai Basketball ha ka liang ki shynrang la wan ban ïashimbynta da ki 8 tylli ki kynhun, katba ha ka liang ki Kynthei la wan ban ïashimbynta tang ar tylli ki kynhun.
Ka kynhun jong ka 101 kala ïohrah ïaka nam lahduh ha da kaba pynliem ïa ka Meghalaya Police (MLP) ha ka final, katba haka liang ki kynthei ka kynhun jong ka MLP ka la pynliem ïa kawei pat ka kynhun jong ki riew paidbah.
Ha ka jingïalehkai Tennis kila don 12 ngut kiba la wan ïashimbynta ha kaba u Wanpynskhem Mawroh ula ïohrah ïa ka nam lahduh katba u Amit Ram ula wan Baar.
U R Thapa jong ka 101 ula ïoh ïa khusnam kum u nongïalehkai ba kynsai tam ha ka Basketball bad ha ka Tennis ïa katei ka khusnam la ïohrah da u Wanpynskhem Mawroh.
