Shillong, Risaw 17: Ka POWERGRID North Eastern Region(NER) ha ka sngi Balang, 15 tarik Risaw, ka la ïoh ban pynhap pyrda noh ïa ka lympung phutbol Inter-Regional Football Tournament 2025 ha madan SAI, Nehu, Shillong.
Kane ka lympung kaba san sngi jong ka POWERGRID-NER kaba la sdang naduh ka 11 tarik haduh ka 15 tarik Risaw, ka la ïohi ïa ka jingïashim bynta jong 154 ngut ki nongïalehkai kiba la mihkhmat ïa ki 11 tylli ki kynhun.
Ka jingïakhun semi-final ka la long ha ka sngi Ba-ar, ha kaba ka Southern Region(SR) II ka la pynliem noh ïa ka Western Region(WR) I, nangta ka NER ka la pynliem noh ïa ka CC ban pynthikna ïa ka jingïakhun final.
Ha ka final ka NER’ ka la pynliem noh ïa ka SR II ban ïohrah ïa ka khusnam lahduh. Watla shah rem, ka SR II ka la ïoh ban khur ïa ka 1st Runner Up trophy, katba ka CC ïa ka 2nd Runner Up Trophy.
Ha ka jingpynhap pyrda ïa kane ka lympung la wan Kongsan da u Rajesh Gupta, Executive Director (NERTS) bad u K.B. Jagtap Member Secretary (NERPC) kum u symbud kongsan.
Ïa ka lympung ïalehkai phutbol kaba 5 sngi kaba la pynlong da ka POWERGRID North Eastern Region(NER) la pynkut noh ha ka sngi Balang (15 tarik Risaw) ha madan SAI, NEHU ha kaba ka NER Team ka la rah ïa ka nam lahduh ha Shillong.
