Jowai, Risaw 17 : Ka lympung ïalehkai phutbol bala tip kum ka ‘Hajan Shylla Memorial Trophy 1st Division’ bala pynïaid daka Thadlaskeiñ Sports Association (TSA) West Jaiñtia Hills kala long mynta ka sngi 17 tarik u Risaw ha madan Wahiajer Multi-Sports Complex.
Haba phai sha ka jingïakhun ba nyngkong ka Lurshai Larnai SC kala pynliem da 4-1 kol ïaka Modymmai SC, ïa ki kol na ka Lurshai Larnai la thep da u Kynmaw Synnah haka minit ba 7, u Enforce Kharsohnoh haka minit ba 16, u Mebanrap Shadap haka minit ba 31 bad u Evershine Nongrum haka minit ba 44. Ïa ka shikol na ka Moddymai SC la thep da u John Slong haka minit ba 49.
Haka jingïakhun kaba ar ka Khliehtyrshi SC kala jop da 1-0 kol ïaka The A Team, ïa katei ka shikol na ka Khliehtyrshi SC la thep da u Khrawkupar Kharsyntiew haka minit ba 56.
La pyntip ka jingïakhun haka 1st Division lashai ka sngi 18 tarik haka haka por 12 baje shiteng jong ka nohphai sngi ka Malngiang SC pyrshah ïaka Namdong-B SC. Katba haka por 2 baje shiteng nohphai sngi ka Ummulong SC pyrshah ïaka Friends United SC.
