Jowai, Risaw 17: Ka lympung ïalehkai phutbol jong ki kynthei kaba la tip kum ka “1st Women League Football Tournament 2025 bala pynïaid da ka West Jaiñtia District Sports Association, (WJDSA) Jowai kaba la long mynta ka sngi 17 tarik u Risaw ha madan Kiang Nangbah Stadium Dongmihsngi Jowai.
Ha ka jingïakhun kaba nyngkong hapdeng ka Spahmariang pyrshah ïaka Sabahmuswang kila poi sha ka jingïakhaid da mar shikol (1-1), ïa ka kol na ka Spahmariang la thep da ka Receive Ksoo haka minit ba 14. Ïa ka kol na ka Sabahmuswang la thep da ka Darihun Shylla haka minit ba 60.
Haka jingïakhun kaba ar hapdeng ka 7-Wasa United bad ka Catholic Youth SC kine ruh ki kynhun kila ïakhaid khlem don satia kiba ïoh ban thep kol (0-0).
Katba ha ka jingïakhun kaba lai ka Carpe-Dien FC kala pynliem da 2-0 kol ïa ka Ladthadlaboh SC, ïa kitei ki ar kol na ka Carp-Dien FC la thep da ka Elizabeth Thianglai haka minit ba 25 bad ka Peacefully Pohplet ha ka minit ba 28.
