Jowai, Nohphrah 30: Ka West Jaiñtia District Table Tennis Association (WJDTTA), hynnin ka sngi 29 tarik kala pynlong ïa ka lympung jingïakhun Table Tennis kaba shi sngi ïa kaba la tip kum ka One Day Table Tennis Tournament 2023.
Ïa kane ka jingïakop la pynlong ha Kiang Nangbah Indoor Stadium, Dongmihsngi Ladthadlaboh, Jowai. Ïa ki jingïakhun la bynta ha ka ki lai kyrdan kita ka Under-16 Boy’s Single, ka Open to All Men’s Singles bad ka Open to All Men’s Doubles.
Kiba jop ha ka Open to All Men’s Single ki dei u Eraphael Dkhar uba la ïoh ïa ka nam Champion da kaba u la jop ïa u Deoricious G Chullai da 11-6, 11-8, 11-9, 11-7
Ha ka Open to All Men’s Doubles u Eraphael Dkhar bad u Deoricious G Shullai kila ïoh ïa ka nam Champion da kaba pynliem ïa u Rabin Passah bad u Muni Kynjing da 11-4, 11-9, 11-9, 11-9.
Katba haka Under -16 Boy’s Singles u Corban D Khonglah ula ïoh ïa ka nam Champion da kaba pynliem ïa u Kermi William Lywait da 11-5, 9-11, 9-11, 11-6, 11-8. Ïa ki khunsam la sam sha ki nongjop da ki nongpynïaid ka WJDTTA.
