Nongpoh, Rymphang 04: Ka Inter Dong Football Tournament bala pynïaid da ka Ri Bhoi Youth Federation Mawtnum Unit kala kut noh haka sngi Saitjaiñ ha kaba ka lahduh ka dei ka Dongpdeng hadien ba kala lah ban pynliem noh ïaka Lumdiengjri da 7-6 kol haka jingïakhun phainal.
Ïa katei ka lymgpung la wan ban pynhap pyrda noh da u Bah RJ Thangkhiew Political Secretary ka RBYF Sengkmie, kum u kongsan haka jingdonlang u Samla Alberto Nongsiej President Nongpoh Circle, Samla Shanborlang Mawphñiang Assistant Secretary,ki nongïalam ka Mawtnum Unit ryngkat ki paidbah nongpeit kai kiba la wan ban sakhi ha katei ka sngi ka jingïakhun phainal.
Haba phai sha ka jingïakhun ha katei ka sngi hapdeng ka Dongpdeng pyrshah ïaka Lumdiengjri ka jingïakhun kala long kaba ïakhaid bad itynnad hynrei hapdeng ka jingïakhun ba jur ym shym don ba ioh pynkhih ïaka jar naduh ka kylla step haduh ka kylla miet ha kaba naka liang ki bor pynïaid kila rai ban pynïashut noh da ka tie breaker bad dei haka jingïashut tie breaker ba ka Dongpdeng kala lah ban pynliem syndon ïaka Lumdiengjri da 7-6 kol ban long syndon ka lahduh jong katei ka lympung.
Kum ka jingpynshlur la sam ruh ruh ïaki khusnam pisa sha ka kynhun kaba jop bad kumjuh ruh ia ka kynhun ba wan baar ha kane ka tournament dong.
