Jowai, Rymphang 04: Ka Dorbar shnong Pdengshakap kaba pynïaid ïaka jingïalehkai football jong ka, ïa kaba la tip kum ka 10th Secondary School Football Knock-out Tournament 2023-24 ha madan Pdengshakap, West Jaiñtia Hills.
Ki jingïalehkai hakane ka sngi saitjaiñ bala dep la ïoh ban sdang ïaki artylli ki jingïalehkai 2nd round, haka jingïalehkai ba nyngkong ka Thrangchynnam FC kala jop ïaka Nangbah Mulang SC da 6-5 daka jingïa shut Tie-breaker hadien bala kut ka jingïalehkai da 0-0.
Haka jingïalehkai ba ar pat ka Thun FC kala jop ïaka Kner Sungoh (Namdong) da 6-2. Ïaka Thun FC la thep kol da u Deibor Tongper haka minit kaba 7 bad 15, u Marshial Nongrum haka minit kaba 49 bad 54, u Khraw Lyngdoh haka minit kaba 62 bad u Shngain Suting haka minit kaba 63. Katba ïaka Kner Sungoh (Namdong) pat la thep kol da u Raw Pale haka minit kaba 55 bad u Mon Phawa haka minit kaba 78.
Naka liang jong ka Tournament Committee kan bteng biang ïaka jingïalehkai haka 10 tarik mynta u bnai, ka jingïalehkai haka por 12 baje ka Rymbai Shkenshynriah SC pyrshah ïaka Swer United, katba haka por 2 baje nohphai sngi pat ka Nohron SC pyrshah ïaka Khyrwait naphang FC (Demthring).