Pyndep ban pynbha briew pura ïa ka nongbah Tura, dawa u MDC

0

Tura, Iaiong 13 : Ka jingpynbha briew ïa ka nongbah Tura kam dei ban sah teng tang ha shiteng lynti lyngba kata ka Smart Town Project ne ban shu pynsniew briew pynban ïa ka hynrei dei ban pyndep haduh ba kut, ong u MDC ka Tura u Bernard N Marak.
U la ong kumba ka long mynta tang kumba 50 % ei ei ka kam la nang dep nalor ba la ai ban trei ruh nadong shadong da ki kompani ba na bar bad la pynkylla nadong shadong ïa ka nongbah Tura na kaba rim. Kum ka nuksa u la kdew ïa kaei kaba la pynmong ïa ki paid Garo ban ïohi ba la dro da ka Dama ha ki bynta jong ki kynroh ha Chanmari, Ringre bad Araimail bad ka rukom pynwan dur ruh kaba ym ïahap satia.
U nongsaiñ dur u la bakla shikatdei eh halor kane bad kane ka la pynjew slew ïa ki paid Garo kiba ïohi ïa kane ka jingdro. “Kan jin da la bha shi katdei eh ban da dei ba ai ïa kane ka kam sha ki kontraktor na ri lum Garo hi kiba tip ïa ki riti ki dustur jong ki Garo. Kane kan pynsniew dur lynter ïa ka nongbah Tura”ong u Bernard.
Kum ka kyrteng Smart Town ka la dei shisha ban ïohi ïa kata ka project kaba itynnad bad ladei ban aiti sha ki trai ri ïa ka kam. Kan jin da la bha ban da dei ban thung da ka Development Committee ha ka jaka ban aiti sha ki kompani ne ki kontraktor kiba na bar namar kine kin shu leh tang dep bad kin leh ruh tang 50 % ïa ka kam ym 100 % kumba la mang da ka sorkar.

Leave A Reply

Your email address will not be published.