Mendipathar, Naiwieng 12: Ka North Garo hills ka dei kawei na ki district ki a la don ia ka lynti rel. Ha ka jingleit jngoh jong ka kynhun ki nongthohkhubor ka jylla ba la ialam da ka ophis jong ka Directorate of Information & Public Relation la ioh ruh ban iakynduh ïa ka M.S.N.Marak IAS Deputy Commissioner ha kamra trei kam jong ka.
Ka Marak haba ïakren bad ki lad pathai khubor ka la ong ba ka jingdon jong ka lynti rel ka la pyndik shibun ia ka kit ka bah bad ia ka jingpynpoi ia ki tiar na kiwei pat ki jylla.
Nalor kata ka la ong ruh ba ka la pynsuk ruh ïa ki nongrep haba ki pynpoi ia ki marep jong ki sha kiwei pat ki jylla namar ka bai kit bai balh ka long kaba tad bha.
Ha kaba iadei bad ka shongsuk shong saiñ ka Kong Marak.ka la ong ba katei.ka district ka dei kaba iakhap bad ka jylla Assam kumta ki don ki khep ba ki.kynrum.kynram.ki. mih na ka jingiaknieh jaka jong ki nong Assam.bad Meghalaya.
Ka la bynrap ruh ba na ka liang ki.bor pyniaid district ki la ialeh katba lah ban teh lakam ia ki a kum.kitei ki jingjia da kaba iakren sngewthuh jingmut bad ki borpyniaid district jong ka Goalpara Assam.
