Jowai, K’Lyngkot 23: U ma Robinus Syngkon uba ju long u MLA warim ka Mowkaiaw Constituency bad u MDC ba mynta, ha kane ka sngi saitjaiñ ula pynbna ban ïakhun ïa kane ka Election MLA na ka 3-Raliang Constituency kum u kyrtong jong ka TMC.
Ka jingmih ban ïakhun jong u ha kane ka kynti ka long halor ka nongrim ban kyntiew kynrong ïa ki khun samla ha kaba ïadei bad ka kam ka jam, da kaba ong ruh lyngba ka TMC kan sa wanrah shibun ki skim pynroi hapoh ka jylla.
“Kum ki paidbah ki dei ban long kiba stad ban jied ïa ki nongmihkhmat sha ka ïing Dorbar thawaiñ bad kiba don shisha i=ïa ka nongrim ban shna ïa ki aiñ na ka bynta ka jaitbynriew”, da kaba u kyntu ba ki paidbah kim dei satia ban shah pynbeit ha ka bor jong ka pisa.
Ula pynsngew ruh shaphang ka rukom thung kam thung jam hapoh ka jylla kaba noh shilliang bha mynta da kaba pyntreikam ïa ka Roster System bad kane ka buh jingeh ïa kiba Khasi Pnar.
Ha kaba ïadei bad ki rang ïalehkai kiba la wan rah nam ïa ka jylla da kaba ïoh khur ïa ka takma ksiar hynrei ula pynsngew ba ka sorkar jylla kam shem la leh bha ne ai jingïarap ïa ki lada ïa nujor bad kiwei de ki jylla kiba la pynïoh syndon da ka kam sorkar ïala ki rangïalehkai.
Kum u kyrtong na ka 3-Ralaing Constituency ula pynpaw ka jingsngewdiaw ban ïohi ï ka jingsniew shaba palat jong ka surok ha ka thaiñ Nongjngi, Nangbah bad kiwei de bad kane ka buh jingeh ïa ki paidbah nongleit nongwan kiba donkam ban poi sha kiba jaka ba donkam.
Na ka liang u ma Robinus Syngkon kum u kyrtong ka TMC u pan ka jingkyrshan ba pura na ki paidbah ka Raliang Constituency da kaba kin thep ha ka shap jong ki ar tylli ki syntiew (TMC) bad da ka jingkyrmen skhem jong u hadien jong ka jingñiew vote un ai ka jingshakri kaba bha tam ïa ki paidbah.
