Pynbna u DM ka WJH ba dang bteng hi ki kyndon 144 CrPC, yn pynshitom ïa kiba pyrshah

0

Jowai : U District Magistrate ka West Jaiñtia Hills District u bah B.S. Sohliya, IAS, ula ai ka jingpynbna paidbah ba ka kyndon 144 CrPC kaba la pynmih dang shen hapoh ka District ka dang iai bteng haduh mynta ka sngi bad ruh ha kine ki sngi ban sa wan kat bym pat pynbna da ka wei pat ka hukum.
Katkum kane ka kyndon dang khang ïa ka jingialum kynhun ki briew ha kajuh ka jaka palat ïa ka 5 ngut. La khang ban rah ïa kino kino ki tiar pynmynsaw, kum ki wait, ki tari bad kiwei kiwei. Ym shah ban pyntieng pynsmiej ïano ïano lane ban leh donbor ïa kiwei pat ki briew, ka long kaba donkam haduh katta katta ban pynneh pynsah ïa ka shongsuk shongshngaiñ ha ki shnong ki thaw hapoh ka District baroh kawei.
Na ka liang jong u District Magistrate ka West Jaiïtia Hills ula bthah ïa baroh ki nongshong shnong ban kohnguh ïa kane ka hukum namar ka long kaba pyrkhing bha bad lada lap ïa kino kino kiba ïaleh pyrshah kin shah pynshitom katkum ki kyndon jong ka aiñ.

Leave A Reply

Your email address will not be published.