Khliehriat nohprah 01: U Deputy Commissioner (Supply), East Jaiñtia Hills District, ha ka jingpyllait khubor mynta ka sngi u pynbna paidbah ïa ka dor thymmai jong ka umphniang sharak ha East Jaiñtia Hills Distri bad kane ka dor kan treikam naduh u bnai naiwieng 2023.
Ka dor wholesale bad dor dukan kaba ha Sonapur Oil Agency la buh ba kan dei T 79.80/- tyngka bad T81.70/- tyngka.
Na ka bynta ka dor ba dei ha wholesale bad ki dukan kaba ha Jaintia Service Station la buh ba kan dei ha ka dor T 79.60/-tyngka bad T 81.50/- tyngka, katba ka dor wholesale bad dor dukan ha Sutnga Sub-Depot la buh ban long T83.60/-tyngka bad T85.50/-tyngka.
Ki dor dukan (Retail Price) na ka bynta ki Fair Price Shop (FSP) Centres kiba jngai 5 Km na ka dukan wholesale na Sutnga Sub-Depot yn buh dor da ka vigilance committee, kane kan treikam noh mardor tat haduh ban da pynbna da kumwei pat.
