Mawkyrwat, ‘Nailar 13: U Deputy Commissioner (Excise) jong ka South West Khasi Hills District, Mawkyrwat, u bah B. Mawlong, IAS, katkum ka kyndon Aiñ 324 (A) jong ka M.E Act (Assam Excise Rules as adopted) u la pynbna kum ka Sngi Tyrkhong Kyiad (DRY DAY) ha baroh kawei ka South West Khasi Hills District ha ka 15 tarik u ‘Nailar, 2024 kaba ka dei ka sngi ïoh laitluid ne ka ‘Independence Day.
Namarkata, ha kaba ïadei bad katei ka hukum la mana baroh ki dukan die kyiad ki ban kynthup ïa ki IMFL shops/Bars/Hotels/C.A Bars/C.S shops/ki canteen bad ki dukan die madan kin khang khyrdep ha katei ka sngi.
Kino kino kiba ïaleh pyrshah ïa katei ka hukum kin hap hapoh ka jingpynshitom katkum ka Excise Rules and Acts.
