Pynbna ka sorkar pdeng ïa ka jingrep shynrai Lakadong kum ka prokram pynroi
New Delhi, K’lyngkot 22: Ka sorkar pdeng lyngba ka tnat Agriculture and Farmers Welfare ka la pynbna ïa ka jingrep shynrai lakadong kum kawei na ki prokram pynroi jong ka ha kaba ka la mynjur ruh ban thaw da ka “Tumeric Cluster” ha West Jaintia ha kaba yn mang pisa na bynta kane ka prokram kumba 52.31 klur tyngka.
Ïa kane ka jingmang ïa kane ka song pisa la pynbna da u Secretary ka tnat ha ka jingïalang kaba la long ha New Delhi u Manoj Ahuja.
Lyngba kane ka prokram ka sorkar kan pynleit jingmut kyrpang ban ïarap ïa ki nongrep shynrai ha kaba thung, ka ïew bad ka jingpynkyrpang ïa u shynrai ban pynmih khnang ban lah ban ïaryngkat dor ban lah ban shalan shabar ri bad satlak ka pyrthei