Pynbna ka sorkar ïa ki nongïoh ïa ka Meghalaya Day Awards

0

Shillong,K’Lyngkot 15 : Ka sorkar jylla ha ka sngi Balang ka la pynbna ïa ki lai ngut ki nongïoh ïa ka Meghalaya Day Awards 2025.
Ïa ka khusnam – U Tirot Sing Awards halor ka Arts and Culture la mynjur ïa ka kyrteng jong u Sembertush A Sangma uba dei na Rongkhon Tura, Garo Hills.
“Ïa ka kyrteng jong u la wanrah da ka Advisory Committee kaba khlieh da u Chief Secretary ka jylla,” ong u Myntri Rangbah ka Jylla Conrad K Sangma haba kren bad ki lad pathai khubor hadien ka jingïalang jong ka Kynhun Myntri.
La ïathuh ruh ba ïa ka khusnam – Pa Togan N Sangma na ka bynta ki kam ha ka imlang sahlang ne social service la mynjur ïa ka kyrteng jong u Rev. WC Khongwir.
Katba ïa ka khusnam – U Kiang Nangbah Awards ba ïadei bad ki kam ïalehkai (Sports & Games) la ïathuh ba la jied ïa i Kong Kmoin Wahlang, i nongmareh ba la tymmen bha ba ju shim bynta ha ki lympung ïakob mareh thong.
U Myntri Rangbah u la pyntip ruh ba ïa kine ki kyrteng ba la jied yn sa pynbna paidbah ha ka sngi rakhe ïa ka Meghalaya Day kaban long ha ka 21tarik Kyllalyngkot, 2025.

Leave A Reply

Your email address will not be published.