La kynthup lang ïa ka ktien Pnar ha ka State Anthem jong ka Meghalaya

0

Shillong, K’Lyngkot 15 : Ka jingïalang jong ka Kynhun Myntri ha ka sngi Balang ka la rai ban pynkylla bïang ïa ka State Anthem jong ka Meghalaya da kaba kynthup bad pynrung lang ïa ka Ktien Pnar ha ki kyntien jingrwai. Haba pynbna ïa kane ka rai, u Myntri Rangbah ka jylla, Conrad K Sangma u la ong, “Nga sngewkmen ban pyntip ba ka Kynhun Myntri ha kane ka sngi ka la rai ban pynkylla thymmai ïa ka State Anthem bad ngi sngewkmen ba la ïoh ban pynrung lang katto katne laiñ ka ktien Pnar ha ka State Anthem.”
U Myntri Rangbah u la ong ba ïa kane ka State Anthem kin sa pyllait paidbah ha ka Meghalaya Games kaban long ha Wahïajer, West Jaintia Hills bad pyntem artad ha katei ka sngi. Katkum ka jingïathuh jong u, ïa kane ka rai, ka kynhun Myntri ka la shim hadien ba ka la don ka jingai jingmut na ki nongmihkhmat na rilum Jaintia bad khamtam eh na u Symbud Myntri Rangbah ka jylla, Bah Sniawbhalang Dhar kumjuh na ka liang ki paidbah nongshong shnong.

Leave A Reply

Your email address will not be published.