Pynkhreh ka Sorkar ban tei ïa ka Secretariat ba thymmai ha New Shillong

Ha ka Meghalaya Day yn buh mawnongrim

0

Shillong, K’Lyngkot 15 : Ka sorkar Jylla ka la buh thong ba shen kin sdang noh ban tei ïa ka Secretariat kaba thymmai ha Mawdiangdiang, New Shillong Township.
“Ha ka 21tarik u Kyllalyngkot, 2025 kaba dei ka Meghalaya Day ngin sa buh mawnongrim noh na bynta ka Secretariat ba thymmai ha Mawdiangdiang kaba dei ka sienjam kaba kongsan bha,” u la ong haba kren bad ki lad pathai khubor.
Nalorkata, u la ïathuh ruh ba ki buh thong ba la kumno kumno yn lah ban pyndep noh katto katne ki jingtei ha ki arsnem ban wan khnang ba yn lah ban pynkynriah noh katto katne ki ophis treikam na ka jaka ba ki don mynta sha ka jaka treikam ba thymmai.
Shuh shuh u ong ruh ba ïa ka Tender ki khmih lynti ba yn lah ban pyndep noh ha u bnai ban wan khnang ba ïa ka kam yn lah ban aiti noh ban pyntrei shaid shaid.
Ha kajuh ka por u la ïathuh ba ïa ka Mini Secretariat ha Tura la buh thong ban pyntreikam ha u bnai ban wan kaba ka projek ka la poi sha ka 120 klur tyngka. U la pyntip ba kine ki Mini Secretariat kin sa ieng ha Jowai bad kumjuh ruh ha Pynursla.
“Kine ki dei ki kam kiba la ïaid bad ngi sngew ba ka long kaba donkam ban pynjan shuh shuh ka jingshakri bad ka jingtreikam sha ki paidbah,” bynrap shuh shuh u Myntri Rangbah.

Leave A Reply

Your email address will not be published.